၂၀၁၇ခုနှစ်တွင် ကျေးဇူးတော်ရှင် သီတဂူအဓိပတိဆရာတော်ဘုရားကြီးထံ ဩဝါဒခံယူပြီး ပါမောက္ခချုပ်ဆရာတော် ဒေါက်တာဓမ္မပိယ၏လမ်းညွှန်မှုဖြင့် IBEC ဆရာတော်ဦးဆောင်၍ အထက် မြန်မာပြည်ကိုယ်စားပြု သီတဂူဗုဒ္ဓတက္ကသိုလ်အား စတင်တည်ထောင်ဖွင့်လှစ်နိုင်ပြီးဖြစ်ပါသည်။ အဆိုပါတက္ကသိုလ်တွင် စာသင်သား သံဃာ(၁ဝဝ)ကျော်နှင့် လူပုဂ္ဂိုလ်(၇ဝ)ကျော်တို့အား ဗုဒ္ဓစာပေ၊ ဘာသာဗေဒ၊ စီမံခန့်ခွဲမှုနည်းပညာနှင့် လူမှုရေးသိပ္ပံဘာသာရပ်တို့အား ကျွမ်းကျင်တတ်မြောက်သော ပညာရှင်များနှင့်ပူးပေါင်းကာ စနစ်တကျပို့ချလျက်ရှိပါသည်။ ဤဗုဒ္ဓတက္ကသိုလ်မှ နိုင်ငံတကာအဆင့်မီ တက္ကသိုလ်များနည်းတူ Diploma Certificate, B.A, M.A, Ph.D Degree : သင်ကြားပေးသွားရန်ရည်ရွယ်ပါသည်။